Mabasa o bua ka go sala ga gagwe mo setlhopheng

Moatleletiki wa Orlando Pirates, Tshegofatso Mabasa, o buile ka go sala ga gagwe mo setlhopheng sa Bafana Bafana se se tlhophilweng ke Hugo Broos ka Labone.

Motshameki yono wa kgwele ya dinao o ne a le mo setlhopheng sa ntlha sa batshameki ba le 37.

 Ga a ka a tlhophiwa mo setlhopheng sa bofelo sa batshameki ba le 23.

Bafana Bafana ba tla lwa le Lesotho kwa Peter Mokaba Stadium ka Mopitlwe 21.

Se ke pele ga ba ya kwa Ivory Coast go ya go lwa le Benin ka Mopitlwe 25.

Setlhopha seno se tla kopana kwa kampeng ya go ikatisa kwa Johannesburg ka March 17.

Tshegofatso Mabasa o utlwile ka ga go sala ga gagwe mo Bafana Bafana fa a ne a bua le babegadikgang kwa Rand Stadium morago ga go ikatisa le Pirates.

Motshameki yono wa dingwaga di le 28 o ne a le mo seemong se se molemo tota mo setlheng seno.

O ne a setse a fitlheletse mekgele e le 13 mo metshamekong e le 34.

Seno se dira gore a fitlhelele diphitlhelelo di le 44 mo go PSL.

Se se dira gore a nne mongwe wa batshameki ba ba tsayang diphitlhelelo tse dintsi go gaisa botlhe mo hisitoring ya Pirates.

Le fa a atlegile jalo, Bruce o tlhophile Iqraam Rayners, Lyle Foster le Percy Tau go nna batshameki ba gagwe mo metshamekong e e tlang.

Lefa go ntse jalo, Tshegofatso Mabasa ga a tshwenngwe ke go bo a sa tsene mo setlhopheng sa Bafana Bafana.

O sa ntse a ikemiseditse go tsenela sone.  “Ke tla nna ke kokota mo kgorong ya Bafana… ke sone fela se ke tla se dirang.”  O ne a rialo.

BUISA GAPE: Kaizer Chiefs e thapa motshameki kwa moseja

Source:lisenethini.co.za

Translator: Onkarabile Manganye